الثلاثاء، 26 فبراير 2013

لا غسل لا كفن .. حسبنا الله - بقلم زينب التاجر




مثلك شيعتك تبقى يبو السجاد
مطروحة بلا غسل وبلا تكفين

بعد ما عفّروها فوق حر الوهاد
منعونا نطبِّق شرع هذا الدين

نذكر كربلا مطرّحة بها الأجساد
دم ، روس وجفوف مقطِّعة صوبين

ونذكر هالبقى مرمي بجسر بغداد
وأغلاله يوسفه بايده والرجلين

شمر اللي قطع راس ابو الأكبر عاد
ذَبَح محمود ما يكفيه ذَبْح حسين

عداوة تأصِّلت في الأبوة والأجداد
إلى حيدر علي فارس بدر وحنين

ووصلت هالعداوة اليوم للأولاد
ربي ينتقم منهم هالملحدين

سِلْمْ وورد وياهم أبد ما فاد
لازم ينشطر راس العدو شطرين

ودما منهم تسيل اعلى الثرى الأوغاد
هالخلوا جرح محمودنا جرحين

جرح فقده وصعبة مفارقة لولاد
وجرح تعطيله مثل السادة الطيبين

لو ما لفى ليهم سيدي السجاد
ظلوا عالثرى ، آه يا مصاب حسين


زينب التاجر
@zeezoo_7

ليست هناك تعليقات:

إرسال تعليق